#脫苦海 #梁隼 #實地睇樓 #觀塘區 #安達臣 #港人首置上車盤 #公屋之城
前身為石礦場的「大山托山」為大地帶來礦材帶咗好多年，亦傳聞因為個山炸到好似開個大口咁，為香港帶來爭拗。如今石礦場功成身退，政府會喺上面起好多好多樓，除咗可以解決好多人嘅居住問題之外，仲可以遮番住個大口，即刻安靜晒！
林鄭特首在施政報告度話，安達臣發展區其中一個地盤會成為第一個首置上車盤選址，果度依家仍然是開發中，依家入咗伙嘅有寶達邨上面嘅安達邨，同埋順天邨上面嘅安泰邨。
兩條邨都係「安」字頭，不過就相隔幾遠下，由一條邨行去另一條邨要成十分鐘咁上下，中間隔著的地方，依家寫住是蓄洪池，即係第日好大機會係一個公園，咁果度都幾心曠神怡。
由於喺山上面，果度都好大風，再加上果度之前唔知係咪好有系統地採礦，形成果度的地段一層層咁好似梯田，而每一層都有一個又高又直的護土牆包住，係上面起嘅樓就好似起在懸崖上咁，畏高嘅人住果度真係住低層都會好驚。
果度對外都係巴士小巴，政府研究緊起條東九龍鐵路線，但係走線好似無安達臣份（順天、秀茂坪、寶達設站），所以果度巴士線都算多，去沙田、荃灣、九龍、過海都有，九巴俾個靚number開線（88號，大圍去中秀茂坪）一定有原因的！
梁隼網誌 